Menawi niyat sampun golong gilig namung tumuju dumateng Alloh, mesthi kemawon sedaya obah owahipun kulawarga saged pun biji Alloh dados ibadah. Ngajari para putra sinau, laladi kakungipun, masak, macak, manak, lan sedaya kemawon saged dados ngibadah. Pramila kedahipun sedaya kulawarga saged ngenggalaken niyat malih supados pagesangan kulawarga hanggadhahi biji ibadah ingkang ageng.
Salajengipun kunci kulawarga samara ingkang ongko kalih inggih punika TSIQAH ingkang ateges pitados. Kedahipun penganten kekalih gadhah raos pitados dumateng sisihanipun. Amargi namung kanthi raos punika kulawarga saged ayom, ayem, tentrem. Lan ingkang baku malih, sisihan punika kedah saged njagi kapitadosan saking sisihanipun ampun ngantis slinthutan.
tuladhanipun menawi ingkang kakung badhe caos punapa kemawon dumatheng tiyang sepahipun, ingkang nyaosaken ingkang putri, makaten ugi kosok wangsulipun.
0 komentar:
Posting Komentar